Набрзо откако рускиот претседател Владимир Путин вчера ѝ се обрати на нацијата и нареди делумна мобилизација во која опфаќа околу 300.000 луѓе, Русите почнаа да бегаат од земјата, а почнаа и протестите против Путин и мобилизацијата.
Според извештаите на руските невладини организации за руски права, уапсени се околу 1.500 демонстранти.
Станува збор за руски државјани кои излегле на протести во 38 градови низ Русија за да се спротивстават на мобилизацијата, јавува BBC.
Повеќето од апсењата се извршени во Санкт Петербург и Москва, каде што вчера се собраа најголем број луѓе. Во Москва луѓето скандираа за „Русија без Путин!“.
На Twitter се појави видео од апсењето на маж кој протестираше во Москва против мобилизацијата и војната во Украина.
Додека го носат четворица полицајци од итната помош, тој извикува: „Не за војна!“, на што му се придружуваат и други демонстранти.