Маж застрела пет лица кои утрово присуствувале на забава на отворено во шпанскиот град Сабадељ во близина на Барселона.
Една од жртвите, бремена жена во седмиот месец, го загуби своето бебе по здобиените повреди, јави весникот La Vanguardia, повикувајќи се на полициско соопштение.
Друга жртва е тешко повредена, со четири куршуми. Неговата девојка изјавила во полиција дека се сомнева дека сторителот е нејзиното поранешно момче, кое неодамна излегло од затвор.
Според полицијата, другите три жртви се само полесно повредени. Во тек е потрага по сторителот, велат тие.
Исто така, не е исклучено дека инцидентот може да биде расчистување на сметки меѓу улични банди.
