За време на емитување вести на австралискиот ТВ-канал 9News, гледач забележал интересен детал зад водителката во студиото – еден колега си гледа цртан филм додека таа известува за исчезната 28-годишна жена.
Се чини дека колегата од редакцијата не бил многу заинтересиран за случајот, а ни за работата, а тоа можеле да го забележат и гледачите на вестите. Во позадина му се наѕира мониторот од компјутерот на кој го гледа анимираниот филм Shrek.
Не знаејќи што се случува зад сцената, водителката продолжува со своето известување.
Од објавувањето, видеото собра 1,4 милиони прегледи на платформата и предизвика бројни коментари. Многумина веруваа дека вработениот во телевизијата треба да биде отпуштен поради таквиот потег.
„Тоа што се тргна настрана го направи уште посмешно“, „Мислеше дека нема да забележиме, но забележавме“, беа само дел од реакциите.
@goodie0414 Old mate got a little distracted. Hope the woman is found tho #news #australia #melbourne #9news #9newsmelbourne #shrek #shrek2 #shrekislove ♬ original sound - Subezewo
