Поранешниот руски претседател и заменик-претседател на рускиот Совет за безбедност Дмитриј Медведев ги коментираше односите меѓу Русија и Јапонија и рече дека може да се постигне договор со Јапонија, но под одредени услови.
Со оглед на тоа што Јапонија и Русија никогаш официјално не потпишаа мировен договор по Втората светска војна, пред сè поради територијални спорови, односите меѓу земјите останаа напнати до ден-денес.
Во оваа прилика Медведев се осврна на изјавите на јапонскиот премиер Фуми Кишинда и рече дека за договорот може да се разговара под услов да се разговара за Курилските Oстрови и санкциите.
„Никој не е против договорот, но под одредени услови. Територијалното прашање е затворено еднаш засекогаш во согласност со Уставот на Русија. Курилските Oстрови активно ќе се развиваат, а нивната стратешка улога ќе расте паралелно, вклучително и стационирањето на ново оружје“, рече Медведев.
Исто така, Медведев рече дека Москва е на мислење дека нема територијални спорови со Јапонија.
„Гајле ни е за јапонските чувства за северните територии. Тоа не се ‘спорни територии’, туку Русија. Оние самураи кои се чувствуваат особено тажни можат да го завршат својот живот на традиционален јапонски начин со извршување на сепуку. Ако се осмелат, се разбира“, рече Медведев.
Конечно, во својот осврт поранешниот претседател на Русија ги спомна и Хирошима и Нагасаки.
„Секако, тоа би било многу подобро чувство отколку тоа да им се умилкувате на Американците додека целосно ги заборавате Хирошима и Нагасаки“, заклучи Медведев.
