Ирскиот УФЦ борач Конор Мекгрегор наскоро ќе се бори против Дастин Поарје, а за време на подготовките се откажа од бројни задоволства, вклучувајќи го и вискито.
Натпреварот закажан за 23 јануари ќе биде реванш на Мекгрегор и Поарје кои првпат се бореа во 2014 година кога победник беше Ирецот.
Мекгрегор е решен да се врати во октагонот на вистински начин и е желен за победа, па за време на подготовките се откажа од пиење дури и на неговот виски Proper No. Twelve.
„Заедно со тренерот Кавано се држиме подалеку од Proper No. Twelve во нашиот камп“, напиша Мекгрегор во описот на фотографија објавена на Instagram, на која се гледа како тренира со својот тренер.
Пред една година Мекгрегор се пошегува дека пиел виски цела недела пред да се бори со Хабиб Нурмагомедов.