Овој необичен специјалет речиси сам се подготвува, а ќе ве освои на првиот залак.
Во Македонија гравот е специјалитет - се јаде за ручек или како прилог, додека Мексиканците го подготвуваат како супа, динстајќи го во сос од домати со мелено месо и пченка. Овој мексикански специјалитет ќе ве воодушеви, а не бара премногу кулинарски вештини. Сите состојки само се мешаат, а потоа супата се крчка помалку од половина час.
Потребни состојки:
- 800 мл сок од домати
- 500 мл вода
- 500 гр мелено месо
- 1 конзерва пченка
- 1 конзерва црвен грав
- 1-2 чешниња лук
- ½ лажичка мелена лута црвена пиперка
- масло
- сол
- бибер
Подготовка:
Во тава сипете малку масло и пропржете го меленото месо, па додадете го доматниот сос и варете додека не почне да врие. Потоа додадете ги пченката и гравот кои сте ги исплакнале и исцедиле, па прелијте со вода. Сето тоа измешајте го, покријте го и варете уште 5 минути откако ќе почне да врие. Зачинете со сол и бибер, додадете толчено лукче, па посипете со мелена лута црвена пиперка. Добро измешајте и послужете.
