Фудбалерот на Барселона, Лео Меси, е најплатениот фудбалер во 2020 година, пренесе Forbes. Магазинот процени дека годишната заработка на фудбалерот е 126 милиони долари.
Аргентинецот за 16 години во Барса има освоено 34 трофеи и се смета за еден од најдобрите фудбалери на сите времиња.
Зад Меси е Кристијано Роналдо со заработка од 117 милиони долари, а на трето и четврто место се Нејмар со 96 милиони долари и Килјан Мбапе со 42 милиони долари.
Во однос на минатогодишната листа, првите тројца не ги сменија местата.
На петтото место е Мохамед Салах со 37 милиони долари, а зад него се Пол Погба со 34 милиони долари и Антоан Гризман со 33 милиони долари.
Гарет Бејл е на осмото место со годишна заработка од 29 милиони долари, а следни на листата се Роберт Левандовски со 28 милиони и Давид де Хеа со 27 милиони долари.
