Германскиот возач на Формула 1, Мик Шумахер, на крајот од годината ќе ја прекине соработката со Ферари. Тоа би можело да значи и негово заминување од екипата на Хас.
Шумахер беше член на возачката академија на Ферари од 2019 година, но може да биде заменет од Антонио Џовинаци. Без сомнежи, неговата иднина е под знак прашалник бидејќи немаше импресивни резултати во сезоната покрај новиот тимски колега Кевин Магнусен. Засега, Мик е на 15 место и има освоено бодови само на две трки.
Големите инциденти во Саудиска Арабија и во Монако не му одат во корист, а претходно и шефот на Хас, Гинтер Штејнер призна дека е фрустриран од младиот Германец.
Шумахер потоа ја поправи својата форма, беше шести во квалификациите во трката во Канада, а потоа освои бодови во Силвестон и Спилберг.
