Поранешниот хрватски репрезентативец Анте Ребиќ потпиша за Бешикташ.
Тој од Милан пристигна во турскиот клуб по разочарувачката сезона во Италија.
Ребиќ потпиша договор со Бешикташ на две години, до летото 2025.
Неговиот сега веќе поранешен клуб се прости од него во кратко соопштение, со само две реченици.
„Милан може да објави дека Анте Ребиќ му се приклучи на Бешикташ, за кого потпиша постојан договор. Клубот му се заблагодарува на Анте за сè и му посакува сè најдобро во животот и кариерата“, стои во соопштението од Милан за кој хрватскиот напаѓач одигра 123 натпревари и постигна 29 гола.
Ребиќ беше отпишан по лошата минатата сезона. На својата примарна позиција лево крило се наметна одличниот Португалец Рафаел Леао. Хрватскиот напаѓач играше како центарфор, а повремено беше и замена за Леао.
Тренерот Стефано Пиоли летово воопшто не го однесе на подготовки.
