Селекторот на македонската фудбалска репрезентација го објави списокот на повикани играчи за претстојните квалификациски натпревари за пласман на ЕУРО 2024 против Италија дома и Малта на гости.
Благоја Милевски повика 29 играчи, меѓу кои двајца дебитанти. Станува збор за 26-годишниот десен бек на данскиот прволигаш Хвидовре, Ахмед Иљазовски, роден и израснат во Данка и кој досега нема настап ниту за младинските репрезентации, и за поранешниот младински репрезентративен офанзивец Димитар Митровски. Тој сега има 24 години, а претходно настапуваше за сите македонски младински репрезентации.
По некое време во репрезентацијата се враќа крилото Марјан Радески, кој летово играше во одлична форма за Струга во европските натпревари. На списокот, очекувано, го нема капитенот Стефан Ристовски кој најави дека нема да игра за репрезентацијата додека селектор е Милевски. Неговиот помал брат Милан е меѓу повиканите.
На списокот е и Дарко Чурлинов иако сѐ уште е надвор од зелениот терен откако на почетокот од јуни почна да се лекува од сепса. Во неделата, тренерот на неговиот клуб Барнли најави дека Дарко наскоро треба да се врати на теренот.
Од домашната лига има само двајца претставници и тоа резервниот голман Алексовски од Работнички и Радески од шампионот Струга.
Голмани:
Столе Димитриевски – Рајо Ваљекано (Шпанија)
Дамјан Шишковски – Докса (Кипар)
Игор Алексовски – Работнички
Одбрана:
Висар Муслиу – Падерборн (Германија)
Ѓоко Зајков – У Крајова (Романија)
Никола Серафимов – Фехервар (Унгарија)
Јован Манев – Адана Демирспор (Турција)
Езѓан Алиоски – Ал Ахли (Саудиска Арабија)
Бојан Димоски – Акрон (Русија)
Ахмед Иљазовски – Хвидовре (Данска)
Стефан Ашковски – без клуб
Дарко Велковски – Ал Етифак (Саудиска Арабија)
Средина:
Енис Барди – Трабзонспор (Турција)
Јани Атанасов – Краковија (Полска)
Агон Елези – Вараждин (Хрватска)
Аријан Адеми – Бејѕин Гуоан (Кина)
Елиф Елмас – Наполи (Италија)
Давид Бабунски – Мезековешд (Унгарија)
Давор Здравковски – Мадервил (Шкотска)
Љупчо Дориев – Согдиана (Узбекистан)
Напад:
Илија Несторовски – Асколи (Италија)
Милан Ристовски – Спартак (Словачка)
Бојан Миовски – Абердин (Шкотска)
Александар Трајковски – без клуб
Дориан Бабунски – Грасхоперс (Швајцарија)
Димитар Митровски – Вараждин (Хрватска)
Марјан Радески – Струга
Ваљон Етеми – Истанбулспор (Турција)
Дарко Чурлинов – Барнли (Англија)
Собирот на репрезентацијата е на 4 септември во хотелот „Хилтон“ во Скопје. Ќе се тренира во Скопје до дуелот со Италија на 9 септември од 20:45 часот на Националната Арена „Тодор Проески“, а потоа наредниот ден репрезентацијата лета за Малта каде на 12-ти исто од 20:45 часот ќе му се спротивстави на аутсајдерот во групата.