Милијардерот и бизнисмен Илон Маск наводно имал секс-афера со Никол Шанахан, сопругата на соосновачот на Google, Сергеј Брин, пишува Wall Street Journal.
Брин поднел барање за развод уште во јануари, објави весникот, повикувајќи се на неименувани извори.
Не е јасно колку долго траела романсата, но наводно се случила истиот месец кога Маск доби ќерка со бившата девојка Грајмс и еден месец откако тајно стана татко на близнаци со поранешната извршна директорка на на Neuralink.
Маск почнал да се гледа со сегашната девојка Наташа Басет во февруари.
Сергеј Брин бара старателство над неговата двегодишна ќерка. Тој е седмиот најбогат човек во светот, со проценета вредност на богатството од 93 милијарди долари.
Претходно беше во брак со Ен Војчицки, од 2007 до 2015 година. Од тој брак има две деца.
Маск ги негира тврдењата изнесени во весникот и вели дека немал афера со жената на Брин, кој е негов пријател. Вели дека сè уште се пријатели и дека неодамна биле заедно на забава, пренесе BBC.