Европа се соочува со брз раст на бројот на заразени со SARS-CoV-2 поради што некои влади воведоа порестриктивни мерки.
Забранети венчавки, крштенки, задолжително носење маски се само дел од рестриктивните мерки воведени во некои земји.
Владата во Романија воведе нови ограничувања за да го спречи ширењето на вирусот, прогласена е вонредна состојба до средина на ноември. Во изминатите денови во Романија имаше повеќе од 3.000 заразени дневно, а од почетокот на пандемијата регистрирани се 160.461 случај.
Од 15 октомври ќе бидат забранети настани како венчавки и крштенки, носењето маски на отворено е задолжително во градовите. Засега, луѓето носат задолжително маска во јавниот превоз, јавните институции и продавниците
Отворањето на театри, кина и ресторани кои немаат тераса ќе зависи од бројот на заразени од град во град.
Во оваа земја се забележани повеќе од 5.000 заболени дневно, покажуваат податоците на Институтот Роберт Кох. Во среда се забележани 5.132 нови случаи, а ден претходно 4.122. Сојузните покраини минатата недела забранија хотелите да примаат гости кои доаѓаат од германски подрачја означени како ризични зони.
Забраната може да се избегне во случај на негативен тест кој не смее да биде постар од 48 часа. Таа мерка е на сила во Баварска, еден од најатрактивните туристички региони.
Во вторникот се потврдени 8.325 нови случаи на коронавирус, што е вториот најголем дневен пораст од почетокот на пандемијата. Властите воведоа делумен карантин, затворени се училиштата, баровите и клубовите. Рестораните исто така ќе бидат затворени, забранета е јавна консумација на алкохол.
Земјата воведе делумен карантин, маските се задолжителни во јавните затворени простори. Затворени се кафулињата и баровите, забрането е продажба и точење алкохол по 20 часот.
Училиштата ќе останат отворени, а јавниот превоз во функција.
Пополнети се 90 проценти од капацитетите во болниците на одделенијата за интензивна нега. Се очекува претседателот Емануел Макрон да ги објави новите рестрикции.
Забранети се училишните патувања и аматерските контактни спортови, како и играњето фудбал по парковите. Забранети се приватни забави, бројот на гости е ограничен на 6 присутни луѓе.