Безбедносна камера го сними моментот кога јато птици буквално падна од небото во мексиканскиот град Куаутемок.
Станува збор за голем број птици кои завршија на патот, по крововите на куќите и во дворовите, иако повеќето одлетаа. Сепак има и доста загинати птици. Оваа глетка покрена низа шпекулации за причините на настанот, а меѓу нив се споменува и 5G мрежата.
Мексикански ветеринар не ја исклучува можноста дека високото ниво на загадување, користењето дрва за греење, употребата на агрохемикалии и студеното време да се причина за овој инцидент, додека други велат дека можеби станува збор за струен удар кој се случил додека птиците одморале на каблите на електричната мрежа.
Сепак, експертите тврдат дека веројатно се работи за грабливец, поголема птица тргната во лов, од која се исплашило јатото.
Сличен настан се случи во Велс, во 2019 година, кога загинаа 225 птици. Тие паднаа на асфалт најверојатно бегајќи од предатор, но во текот на брзото и ненадејно спуштање веројатно не успеале навреме да се дигнат во воздух.
