Медицинските лица мора да носат посебни заштитни одела и визири кога се во контакт со заразени пациенти. Но, во Русија една медицинска сестра стана вирален хит откако е снимена како под заштитното одело носи само бикини, пренесе Russia Today.
Како што е наведено, на пациентите тоа не им претставувало проблем, кои не можеле а да не ја погледнат. Но, тамошните здравствени власти ја укориле медицинската сестра, изречена е дисциплинска казна бидејќи не ги почитувала мерките за протокол за облекување на заштитната облека.
Фотографијата е направена во регионална болница за заразни болести во Тулската област. Младата медицинска сестра изјавила дека го прескокнала облекувањето униформа бидејќи ѝ било премногу топло поради целодневното носење заштитна облека, а како што истакнала, не ни можела да претпостави дека ќе биде толку проѕирно.