Славната актерка Моника Белучи за потребите на снимањето на нов филм, го промени изгледот во русокоса.
На Instagram објави дека е дел од филмот „The Girl in the Fountain“, што премиерно ќе биде прикажан на Lumière Film Festival.
На фотографијата позира со руса боја на косата. Дејството во филмот се одвива околу животот на легендарната шведска актерка Анита Екберг. Покрај Белучи, во него ќе го видиме и Ерик Александар.
„Анита всушност била многу позната и пред да го сними филмот „La Dolce Vita“. Потоа се ‘стопила“ со улогите што ѝ ги давал Федерико Фелини. Секогаш толкувала улоги на жени кои биле сексуализирани. Сакавме да покажеме дека Анита не можела да избега од оваа грда титула што Фелини ѝ ја дал“, изјави режисерот Антонџулио Паници.
