Филм & ТВ

Морничавиот Фреди Кругер слави 35 години

18. ноември 2019 - 14:27 | Кајгана/МИА

Еден од најпознатите и највлијателни хорор филмови на сите времиња, „A Nightmare On Elm Street“ го прослави својот 35-тиот роденден.

По голема пауза од последниот дел од серијалот, многу е лесно да се занемари влијанието на овие филмови, кои низ годините се претворија во пародија на сами себе, но факт е дека станува збор за хорор кој во целост го смени начинот на пристап кон овој жанр. А пак, тоа е нешто што хорор-мајсторот Вес Крејвен го има направено повеќепати во текот на неговата долга и плодна кариера.

Барајќи негативец, режисерот за улогата на Фреди Кругер на ум имал крупна личност, како во неколку други хорори од 70-тите и 80-тите години, бидејќи станува збор за хорор во кој главниот лик е злобен психопат кој прогонува тинејџери во нивните соништа и ги убива со ракавица опремена со ножеви.

Но, на крајот, ситниот актер Роберт Инглунд одлично се вклопи во приказната, коментираат критичарите, а и времето го покажа тоа.

Филмот од 1984 година се претвори во хорор-класика. Со буџет од 1,8 милиони долари заработи 25,5 милиони долари во САД.

Коментирај