Одличен рецепт за пита која може да биде совршена за појадок или лесна вечера.
Потребни состојки:
-600 г брашно
-250 мл топло млеко
-2 јајца
-50 мл масло
-1 свеж квасец
-1/2 лажичка сол
-1/2 лажичка шеќер
За фил:
-300 г бланширан спанаќ
-200 г дробено сирење
-2 јајца
-150 г кашкавал
-сусам
Начин на подготовка:
Замесете тесто од надигнатиот квасец и останатите состојки. Оставете да надојде на топло.
Стасаното тесто поделете го на два дела и развијте во две кори. Едната треба да биде поголема од другата. Поголемата ставете ја во сад за печење.
За филот, измешајте дробено сирење, бланширан и исечен спанаќ и јајца. Кората малку попрскајте ја со масло и ставете го подготвениот фил, а над него изрендајте кашкавал.
Втората, помала кора префрлете ја над филот и исечете на неколку места. Оставете уште малку да нарасне тестото. Нараснатата пита премачкајте ја со јајце и посипете сусам, по желба.
Печете на 200 степени 15 минути, и уште 25 минути на 180 степени.
