Првото големо засилување за Рома на Жозе Мурињо треба да биде Андреа Белоти, репрезентативецот на Италија и докажан голгетер од Серија А.
Белоти е еден од оние играчи за кои сите сметаат дека се одлични, но се заглавени во просечен тим. Веќе шест сезони настапува за Торино, а исто толку години е и репрезентативец на Италија и тоа првотимец. Но, Белоти во својата кариера нема ниту еден единствен трофеј, ако не го рачуваме освојувањето на Серија Би со Палермо во сезоната 2013/14.
Жозе Мурињо токму во него гледа одлично засилување. Робусен голгетер каков што Рома немала од времето на Габриел Батистута, голгетер кој со леснотија игра во шестнаесетниот и кој е вистински егзекутор.
Првичната понуда од само 15 милиони евра плус бонуси Торино експресно ја одби, а претседателот Урбано Каиро ја нарече „провокација“. Популарните „Градата“ бараат 30 милиони евра, но со оглед на тоа што договорот на Белоти истекува наредното лето, не се во можност многу да пребираат. Неговата цена е 35 милиони евра, но одбивањето да потпише нов договор го става Торино во позиција да мора да прифати далеку помалку.
Италијанските медиуми шпекулираат дека Торино и Рома ќе се договорат за понуда од 20 до 25 милиони евра плус бонуси кои би се активирале при одредени достигнувањеа на Белоти во Рим.
Тој на „Олимпико“ ќе биде замена за Един Џеко кој летово треба дефинитивно да ја напушти Рома. Клубот не сака да го задржи поради неговата преголема плата, како и формата поради која сезонава потфрли.
Белоти е во составот на селекторот Роберто Манчини за претстојното ЕУРО и се очекува на отворањето в петок да стартува од првата минута против Турција, заедно со Чиро Имобиле. Досега за репрезентацијата има 33 настапи и 12 голови, а дебитантскиот погодок го постигна во Скопје против Македонија кога го отвори резултатот во 2:3 победата на Италија во октомври 2016 година.
