Тренерот на Реал, Карло Анчелоти, е обвинет дека ја оштетил Шпанија за еден милион евра неплатен данок со лажно прикажување на своите приходи и имот во текот на 2014 и 2015 година, пишува Marca.
Анчелоти е обвинет дека го прекршил законот за време на неговиот прв мандат во Реал, а шпанското Јавно обвинителство за него бара затворска казна од четири години и девет месеци.
Шпанските медиуми пишуваат дека тој се товари за две кривични дела против шпанскиот државен буџет.
„Иако во тој период го пријавил своето живеалиште во Шпанија со адреса во Мадрид, а со тоа морал да ги исполнува сите даночни обврски во таа земја, во даночните пријави само ја наведувал платата што ја добивал како тренер на Реал Мадрид, додека неговите приходи се засноваше на правото на користење на неговиот имиџ пренесен на други луѓе.Тоа го направи за да плати помали даноци“, пишуваат шпанските медиуми.
За разврската на целата ситуација ќе треба да почекаме уште малку време, но сигурно е дека судот нема само да му прогледа низ прсти на трофејниот тренер.