По инцидентот што се случи на доделувањето на Оскарите, кога Вил Смит му удри шлаканица на Крис Рок во одбрана на Џејда Пинкет Смит, се огласи извор близок до овој брачен пар, откривајќи што мисли Џејда за целата ситуација.
Изворот призна дека Џејда, која досега не се огласи конкретно за инцидентот, не му замерила на сопругот по шлаканицата, но сепак посакува никогаш да не се случеше овој инцидент.
„Тоа беше сторено во емотивен момент, и двајцата се свесни и сложни дека Вил Смит претера“, вели изворот.
Џејда не сакала Вил да се впушта во конфликт за да ја одбрани.
„Таа не е од оние жени на кои им е потребна заштита. Вил не мораше да го стори тоа што го направи. На неа не ѝ треба заштита. Таа е силна, самоуверена жена и може да ги води личните битки. Но, ќе остане покрај него“, вели изворот.
Парот е во брак од 1996 година, а за инцидентот доби поддршка и од семејството.
„Тие го штитат семејството, за нив тоа е сè. Многу се заштитнички настроени еден кон друг и се држат заедно“, додава изворот.
Непријатната шега доаѓа по неколку месеци откако Џејда објави дека се бори со алопеција која резултира со губење на нејзината коса поради што одлучи целосно да ја избричи главата.
