На денешен ден, пред десет години, беше постигнат еден од головите означен како една од главните причини за воведувањето на ВАР технологијата.
Автор на фантомскиот гол е поранешниот германски репрезентативец Штефан Кислинг, кој погоди за Леверкузен за 2:0 против Хофенхајм.
Во 70. минута од натпреварот, кога гостите водеа со 1:0, Гонсало Кастро изведе корнер и го пронајде напаѓачот Штефан Кислинг.
Тој направи фантастичен скок и ја испрати топката широко. Мрежата се затресе, но очигледно однадвор, по што топката се појави внатре во голот.
Еден од најдобрите светски судии во тоа време, Феликс Брих, го призна голот, што не треба да чуди со оглед на тоа каде стоеше, со тоа што топката се најде во мрежата.
Но, таа влезе во мрежата однадвор, минувајќи покрај стативата и најде неверојатен простор кој помошните судии не го забележаа при прегледот на опремата за гол пред почетокот на вториот дел.
Погледнете го голот на германскиот напаѓач овде.
Брих покажа на центарот, а Германецот првично беше разочаран од пропуштената шанса пред да остане збунет додека соиграчите му честитаа, но тој не реагираше.
Кон центарот се упатија и играчите на Хофенхајм бидејќи беа убедени дека примија гол за 2:0. Видеото покажа поинаку и имаше приговор, по што германскиот клуб поднесе тужба, но одлуката не можеше да се смени.
Официјално во историјата на фудбалот ќе биде запишано дека тој неправедно признат гол остана главен поттик за воведување на ВАР технологијата, која меѓу посилните лиги беше воведена во сезоната 2017/2018 токму во Бундеслигата и во италијанската Серија А.