Авион Airbus А321 NEO (A321-271NX) на германскиот авиопревозник Lufthansa на лет од Тел Авив до Франкфурт принудно слетал на аеродромот во Загреб утрово во 7:43 часот по локално време.
Екипажот на авионот прогласил вонредна состојба во воздушниот простор на Босна и Херцеговина и побарал контролата на летање да се пренасочи кон Загреб, објави порталот AvioRadar.
За време на летот на височина од 11.000 метри дошло до дефект на моторот број два (моторот сместен на десното крило) поради што истиот бил исклучен.
Станува збор за моторите на Pratt & Whitney, модел PW1000G.
Итната помош го пречекала авионот на аеродромот во Загреб, но немало потреба од нивна интервенција.
