Пицата е едно од најпопуларните јадења низ целиот свет, а потекнува од Италија. Не постои некој кој не обожава пица.
Доколку сте во потрага по рецепт за вкусна домашна пица, пробајте го рецептот на Мартина Трајаноска.
Потребни состојки:
2 шолји млака вода
1 квасец
4-5 шолји брашно
Шеќер, сол
Други состојки по желба(кашкавал, салама, кулен, печурки)
Начин на подготовка:
Замесете меко тесто од состојките и оставете го да нарасне на топло место. Тестото може да го чувате во фрижидер и до една недела, од ова тесто излегуваат 2 пици или 1 поголема. Убаво нараснатото тесто оформете го на набрашнета површина со помош на намрсени раце. Вака оформената пица може да ја премачкате со доматен сос и да ја ставите да се пече 6-7 минути, па додадете ги останатите состојки или ставете ги сите состојки и директно печете ја во загреана рерна на 220-250 С.
