Со оглед на тоа дека шишињата за вода стануваат сè попопуларни, би помислиле дека сите би биле многу добро хидратирани.
Но, тоа не е така. Според истражувањето на Civic Science, 47% од луѓето на глобално ниво не пијат доволно вода.
Диететичарката Кети ЛаБела вели дека потребите за внес на течности зависат од неколку различни фактори, вклучувајќи ја возраста, тежината и нивото на активност.
„Колку е помлад човек, толку повеќе вода му треба. Генерално, целта кон која треба да се стремите е осум до девет чаши течност дневно. Ако сте активни и на отворено, можеби ќе ви требаат дополнителни две или повеќе чаши, и на спортистите им требаат два до три пати повеќе течност од просечниот човек“, објасни ЛаБела.
Иако водата е најдобра за хидратација на телото, и другите течности се важни. Хидратацијата е исклучително важна затоа што, во спротивно, телото не може да функционира правилно. Дехидратацијата негативно влијае и на функцијата на мозокот и на расположението.
„Жедта е првиот знак дека на телото му е потребна вода. Исто така, може да се забележи потемна боја на урината. Други симптоми се суви усни, вртоглавица или замор“, истакнува диететичарката Кетрин Жервасио.
Дехидрацијата има екстремни симптоми, како што се забрзан пулс, низок крвен притисок, сува кожа, слабост и екстремна жед.
И ЛаБела и Жервасио се согласуваат дека повеќето прават голема грешка што предизвикува дехидратација.
„Да чекате да почувствувате жед не е добра практика бидејќи тогаш телото веќе доживува блага дехидратација. Важно е да пиете течности во текот на денот“, истакнува ЛаБела.
Таа забележува дека телото не може да функционира оптимално дури и ако е само малку дехидрирано.
„Водата е важна за регулирање на телесната температура, транспорт на хранливи материи, отстранување на отпадните производи и многу повеќе. На секоја клетка во телото и е потребна вода за секојдневно функционирање.
Постојаната дехидрација или недоволната потрошувачка на вода и течности може да доведе до камења во бубрезите, запек, сува кожа и нерамнотежа на течности и електролити.
Ако имате проблем да внесете доволно течности, Гервасио вели дека можете да направите распоред или потсетник да пиете неколку голтки вода во одредено време.
