Американскиот бизнисмен Џим Мекингвејл стигна на чекор до освојување на 75 милиони долари во обложувалница.
Мекингвејл се обложил дека неговиот омилен бејзбол клуб, Хјустон Астрос, ќе ја освои МЛБ лигата. Вложи 10 милиони долари, а од големата добивка, неофицијално најголемата во историјата на обложувалниците, го делат само уште четири победи на Хјустон во големото финале против Филаделфија.
Богатството на 71-годишниот дилер на мебел се проценува на 300 милиони долари. Во април тој веќе освои 10 милиони долари кога се обложи дека Канзас ќе ја освои кошаркарската NCAA титула.
Претходно, најголемиот „кладилничар“ во светот загуби 10 милиони долари на Супербоулот кога Бенгалс загубија од Рамс. На Астрос се обложи и во 2017 година кога беа шампиони, освои осум милиони долари и беше повикан во здружението на шампионите со тогашниот американски претседател Доналд Трамп.
Мекингвејл исто така ќе ги почести своите клиенти доколку Астрос ја освои титулата. Секој што ќе купи душек од 3.000 долари ќе добие рефундирање доколку Астрос го освои првенството. А ако некој потрошил најмалку пет илјади долари за мебел, тие пари ќе му бидат вратени и ќе добијат награда од уште пет илјади.
