Книга или филм, вечна дебата во која сепак преовладуваат книгите. Филмските адаптации на култните романи секогаш се контроверзни и соочени со преголеми очекувања на читателите кои имаат израснато со некоја книга.
Филмот може да добие низа негативни рецензии, но ако е добро снимен скоро автоматски станува филмски класик.
Со вистинските режисери, актери и сценарио, книгата може генијално да го оживее четивото. Но, понекогаш за жал, не го достигнува тоа ниво. Такви примери има многу, а компанијата OnBuy.com спроведе кратко истражување за да дознае кои се најлошите филмски адаптации на книги, според мислењето на публиката.
Ги одбрале бестселерите од изминатите години кои се претворени во филм, а потоа ги анализирале според бројот на оцени кои филмот и книгата ги имаат на Goodreads и IMDb. Пресметале, а потоа разликата ја претвориле во проценти, колку е поголема разликата меѓу оцената за книгата и филмот, толку е полоша адаптацијата.
Сосема очекувано, според мислењето на публиката филмовите од трилогијата„ Fifty Shades“ се најлоша филмска адаптација. Првиот филм од 2015 година со Дакота Џонсон и Џејми Дорнан стана комерцијален успех, но доби лоши рецензии и од критичарите и од публиката. Книгите подеднакво се лоши, но солидни за оние кои сакаат еротски книги.
Втор на листата е серијалот „The Hunger Games’, додека публиката е разочарана и од филмската верзија на „The Girl on the Train’. Овој филм го дели третото место со последниот филм за Хари Потер од 2011 година. Следен на листата е „The Da Vinci Code“ од 2006 година.
Најдобра филмска верзија, според мислењето на читателите е „Gone Girl“, во режија на Дејвид Финчер, а главните улоги ги толкуваат Росамунд Пајк и Бен Афлек.
