Култниот трилер со Шерон Стоун, „Basic Instinct“ (1992) е прогласен за најсекси филм на сите времиња.
Сцената од филмот во кој ликот на Кетрин Трамел ги прекрстува нозете за време на испрашување во полиција стана дел од поп-културата и потег што многу жени го имитирале во изминатите децении. Филмот изобилува и со жешки сцени на Трамел со детективот Ник (Мајкл Даглас).
Овој филм доби најмногу гласови од публиката, според истражувањето на OnBuy.com во кое гласаа 2.760 испитаници. Кандидатите беа избрани според бројот на пребарувања на Google, а испитаниците ги рангираа најдобрите 13 филмови.
Второто место го освои филмот „Fifty Shades of Gray“, адаптација на романот на англиската писателка Е.Л. Џејмс. Филмот, кој критичарите го „закопаа“ со лоши коментари, но сепак собра бројни обожаватели. Многумина го опишаа филмот како „меко порно“.
Францускиот филм за лезбијската љубов „Blue is the Warmest Colour“ се најде на третото место.
На листата се најде и последниот филм на Стенли Кјубрик – „Eyes Wide Shut“ од 1999 година.
На петтото место е драмата „Cruel Intentions“, а листата се најдоа и „No Strings Attached“, „Notes on a Scandal“, „Vicky Cristina Barcelona“ и „American Beauty“.
Кои од овие филмови сте ги гледале досега?
