Базенот Aura Skypool се наоѓа на 50 кат на облакодерот Palm Tower на островот Palm Jumeirah во Дубаи.
„Бесконечниот“ базен се простира на 775 метри квадратни и се наоѓа на висина од околу 200 метри над земјата.
Од базенот се простира поглед на неверојатната панорама на Дубаи, град што веќе држи неколку неверојатни рекорди, како што е и Бурџ Калифа - највисокиот облакодер во светот.
Покрај базенот се наоѓа и луксузно опремен дневен престој со лежалки по мерка. Овде се служат јадења инспирирани од азиската кујна – од салати и ребра со малезиски зачини до кремасти десерти.
Базенот е отворен секој ден од 10 часот наутро до зајдисонце, а цените варираат од 75 евра до 90 евра по човек, во зависност од тоа кој пакет на услуги сте го одбрале.
