НАСА одложи вселенска прошетка на Меѓународната вселенска станица поради медицински проблеми на еден од астронаутите.
Според соопштението, астронаутите на НАСА ќе излезат во вселената дури откако летало на SpaceX пристигне на Станицата во текот на овој викенд.
Вчерашното одложување доаѓа откако астронаутот Марк Ванде Хај пријавил медицински проблем, пренесе Guardian.
Од НАСА велат дека не станува збор за итен случај, но не објавија повеќе детали.
Ванде Хај има 54 години и е полковник во пензија. На Станицата се наоѓа од април, а планирано е да остане таму до наредната пролет, во едногодишна мисија. Ова му е втор престој.
Тој и јапонскиот астронаут Акихико Хошиде требаше да излезат за да постават носач за новите соларни крила, но НАСА соопшти дека тоа може да почека.
