НАСА е принудена повторно да ја одложи мисијата Artemis 1, овој пат поради тропската бура Никол што се приближува до Флорида.
„Промената на датумот на лансирање ќе ѝ овозможи на нашата работна сила да се грижи за своите семејства и домови и да се врати по бурата, за повторно да се подготви за лансирањето“, соопштија од НАСА.
Ракетата SLS требаше да полета рано наутро на 14 ноември, при можни поволни временски услови, но тоа нема да се случи. Следната можност за лансирање е на 16 ноември.
Ако е успешна мисијата, тоа ќе биде прво лансирање на масивната ракета SLS на НАСА, дизајнирана за патување подалеку во вселената.
Ова е вторпат како бура ги нарушува плановите за почеток на Artemis 1. Во септември лансирањето беше откажано поради ураганот Ијан.
