Како што се продлабочуваат пукнатините во руската војна против Украина, руските олигарси, санкционирани од Западот, сега тврдат дека биле измамени да ја поддржат инвазијата на Украина од страна на рускиот претседател Владимир Путин, се вели во опсежна истражна сторија објавена во The New York Times.
Многу од главните советници на Путин не биле свесни за целосниот обем на неговите планови за инвазија на Украина на 24 февруари, до моментот кога била почната, објави Insider, цитирајќи го The New York Times.
Високи помошници во Кремљ се обиделе да го прочитаат неговиот говор на телото, велејќи им на некои дека Путин го има „тој сјај за војување во очите“, пишува весникот.
„Ако сите околу вас 22 години ви кажуваат дека сте супергениј, тогаш ќе почнете да верувате дека сте. Руските бизнисмени, руските функционери, рускиот народ – сите во гледаа цар. Едноставно полуде“, изјави поранешниот руски банкарски магнат Олег Тинков.
Но, како што се одолговлекуваше „специјалната воена операција“, некои руски олигарси изразија сомнеж и фрустрација откако беа строго санкционирани од западните земји поради нивниот сојуз со Путин, објави The New York Times.
Милијардерот Андреј Мелниченко се разбудил на 24 февруари среде „лудило“ во Украина, а за тој ден веќе имал состанок со Путин. Тој им се придружи на голем број други бизнис магнати кои беа подеднакво изненадени од инвазијата на Путин. Кога Путин конечно влегол во собата, на толпата и на камерите зад нив им рекол дека немал друг избор, пишува The New York Times.
Мелниченко изјави за The New York Times дека инвазијата била ирационална и шокантна, но дека штетата веќе бил направена.
Друг бизнис магнат на состанокот, кој сакал да остане анонимен, за весникот потврдил дека сите се собрале пред камерите не знаејќи дека ќе бидат прикажани како го поддржуваат Путин, без разлика дали се согласуваат со неговата одлука.
Целта на трикот, изјави анонимниот бизнисмен за The New York Times, била да ги оцрни сите собрани токму за да бидат санкционирани.
Планот на Путин да ги натера своите следбеници да влезат во игра успеа. The New York Times објави дека десетици бизнис тајкуни се погодени од тешки санкции од западните земји. Во неделите и месеците што следеа, на руските олигарси им беше замрзнат имотот и им беше забрането да патуваат во некои земји бидејќи рубљата падна.
Сепак, војната на Путин сè повеќе станува гордост за рускиот претседател, кој се чини дека се надева да ја зацементира својата слава во руската историја.
„Она за што тој опсесивно размислува ја обликуваше биографијата на целиот свет“, изјави за Times Константин Ремчуков, уредник од Москва, за Путиновата фиксација со Украина.
