Македонскиот репрезентативец е во Топ 5 на новата игрица за фудбалери со најдобри оценки при изведување на слободни удари.
Гол директно од слободен удар е одлична можност за победа во виртуелниот фудбал. Новата „FIFA 21“ располага со подобрени перформанси при изведувањето на слободни удари, а нормално, тука се и одредени играчи кои важат за мајстори при такви прекини.
Доколку вашиот противник е склон кон фаулирање во зоната околу пестнаесетникот, тогаш дефинитивно би сакале да имаше во тимот некој од овие 10 мајстори.
Број 1 на новата игрица е Лео Меси кој ваши за крал на слободните удари со оценка од 94. Меси и на „FIFA 20“ беше исто така најдобар.
Втор, со оценка од 93, е Дани Парехо од Виљареал кој лани беше петти со 90. Миралем Пјаниќ лани беше втор, а сега падна на третото место иако ја задржа истата оценка од 92.
Затоа, пак, македонскиот репрезентативец Енис Барди, кој игра за Леванте, е на високото четврто место кое го дели со Себастијан Џовинко од саудискиот Ал Хилал. Двајцата имаат оценка од 91.
Нашиот Барди е и пред Нејмар, додека Кристиајно Роналдо повеќе не е ни помеѓу најдобрите 10.
