Невиден инцидент се случи на Лејвер купот во Лондон кога навивач втрча на теренот и практично се запали пред очите на најголемите тенисери на сите времиња - Роџер Федерер, Рафаел Надал и Новак Ѓоковиќ.
На вториот дуел меѓу селекциите на светот и Европа меѓу Стефан Цицпиас и Диего Шварцман, непознатиот маж се симна од трибините, седна на бетонот и запали оган, па натпреварот беше прекинат на неколку минути.
Потоа тој се самозапали, но за среќа обезбедувањето брзо реагираше и сè помина без посериозни последици, додека Федерер, Надал и Ѓоковиќ гледаа сè од страна.
На неговата маица пишуваше „прекинете со приватни летови во Велика Британија“, порака од одредена група луѓе кои се борат против загадувањето на животната средина.
Инаку, швајцарскиот тенисер и еден од најголемите на сите времиња, Роџер Федерер, денеска на Лејвер купот во Лондон ќе го одигра последниот меч во кариерата, а својата раскошна кариера ќе ја заврши играјќи во двојки со својот долгогодишен и голем ривал, Рафаел Надал.
Денеска од 21:30 часот Федерер и Надал ќе одиграат меч против Американците Џек Сок и Френсис Тиафо, а тој меч воедно ќе биде последен во големата кариера на швајцарскиот тенисер, кој професионално ќе ја заврши тениската кариера на 41-годишна возраст.
