Актерот Рајан Гослинг за време на доделувањето на Оскарите ја отпеа песната „I'm Just Ken“ од филмот Barbie, а неговиот настап го обележа забавниот дел од програмата за доделување на најважните филмски награди.
Тој ја започна изведбата седејќи зад Марго Роби, која ја играше главната женска улога во споменатиот филм. Откако излезе на сцената, му се придружија многу танчери и Марк Ронсон, познат диџеј и продуцент, кој свиреше гитара со Рајан.
Сепак, сите беа изненадени кога на сцената се појави Саул Хадсон, попознат како Слеш, легендарниот гитарист на Guns 'N Roses.
Облечен целосно во розово, Рајан танцуваше, пееше и слезе во публиката, а гледачите во коментарите ја нарекуваат оваа изведба најдобрата изведба на Оскарите на сите времиња.
„Неверојатна изведба“, „Ова беше најдобриот момент на Оскарите“, „одлично си ја заврши работата“, „Какво шоу приреди“, „Ова е најдобрата изведба на Оскарите досега“, „Не ми се допадна филмот, но оваа изведба е одлична“, се само дел од коментарите под снимката од настапот на Рајан.
