Потешка од очекуваното берше победата на фудбалерите на ПСЖ против Стразбур, претпоследниот тим во францускиот шампионат.
„Парижаните“ победија со резултат 2:1 во 16. коло од француската Лига 1.
Маркињос го доведе ПСЖ во водство во 14. минута, но во 51. ја испрати топката во сопствената мрежа за израмнување на резултатот.
ПСЖ се најде во големи проблеми во 63. минута кога Нејмар беше исклучен поради прекршок.
Бразилскиот репрезентативец за две минути успеа да собере два жолти картони, најпрвин за прекршок во центарот кога му удри шлаканица на противник, а потоа и за симулирање на пенал.
Сепак, ПСЖ продолжи да напаѓа и покрај тоа што имаше играч помалку на теренот и победи во судиското надополнување. Мбапе изнуди пенал, а во 96. минута го изведе и погоди за конечни 2:1.
ПСЖ остана на врвот на табелата, а со еден натпревар повеќе има осум бода предност пред второпласираниот Ленс.
