Шефот на стручниот штаб на Пари Сен-Жермен, Томас Тухел, изјави дека напаѓачот Нејмар закрепнал од повредата и од старт ќе игра на натпреварот од 4. коло од групната фаза во Лигата на шампиони против Лајпциг.
„Нејмар се опорави, тој е подготвен и ќе биде во почетната постава за нашиот натпревар со Лајпциг во вторник“, информира Тухел.
Претходно беше соопштено дека 28-годишниот Бразилец се вратил на тренинг по повредата на мускул на левата нога.
Во сезоната 2020/21, напаѓачот одигра седум натпревари за парискиот тим, постигна два гола и четири асистенции.
Тухел потврди дека и Килијан Мбапе ќе се врати во првата постава.
„Килијан има многу позитивен ментален склоп. Имаше добра комуникација меѓу нас и француската репрезентација и знаеме точно што правеле со него на тренинзите. Во средата тренираше со нас, убеден сум дека може да игра. Ќе треба да одлучиме колку минути ќе игра, но тој се чувствува способно“, рече Тухел и додаде дека со Нејмар ситуацијата е малку поразлична бидејќи тој не играше за Бразил.
„Почна да тренира во средата, но не го одработи цел тренинг. Учествуваше во првиот дел, па ќе зголемуваме постепено. Убеден сум дека ќе може да одигра одредена минутажа, но ќе почекаме да видиме како ќе се одвиваат тренинзите.“
Натпреварот ПСЖ – Лајпциг ќе се одржи во вторник на 24 ноември со почеток во 21 часот.
