Се верува дека оваа билка привлекува среќа, пари, добра судбина и просперитет во домот, а пак доколку ја поставите на вистинското место во домот - според фенг шуи - ќе биде вистински магнет за позитивна енергија.
Растението познато како среќен бамбус, односно Dracaena sanderiana, познато е и како воден бамбус и цвеќе на милоста.
Иако ова растение изгледа како бамбус, тоа всушност не е во истото семејство како и вистинскиот бамбус. Многу е декоративно - има долги рамни месести стебленца од кои никнуваат долги листови.
Стебленцата личат на бамбусовите и можат да пораснат големи, но според фенг шуи се препорачува пократки варијанти од оваа интересна билка.
За да се грижите за вашиот среќен бамбус треба редовно да се поткаструваат стебленцата. Ова ќе помогне енергијата да се насочи кон стеблото и да растат здрави листови. Повременото поткастрување и чувањето во мали тегли ќе помогне во ограничувањето на висината.
Среќниот бамбус обично се продава во стаклени садови или саксии наполнети со каменчиња и вода.
Ќе откриете дека ова растение подеднакво добро успева во вода како и во земја. Тоа го прави среќниот бамбус едно од растенијата кое се најлесни за одгледување.
Доколку среќниот бамбус го чувате само во вода, еднаш месечно хранете го со течно ѓубриво и избегнувајте да му дотурате вода од чешма, туку користете филтрирана вода или дождовница (доколку имате услови да ја собирате).
Според фенг шуи, стебленцата од овој бамбус имаат различно значење кога станува збор за привлекување богатство. Се верува дека 3 стебленца претставуваат среќа, богатство и долг живот, 5 или 6 стебленца носат пари и добра судбина, а 7 стебленца симболизираат добро здравје.
Ако среќниот бамбус го ставите во североисточниот дел од домот или уредот, се активираат богатството и финансиите.
Поставен во источната страна на домот се верува дека привлекува здравје.
