Во близина на брегот на Јужна Африка неколку сурфери не биле свесни за опасноста што демнела во нивна близина, додека околу нив кружела љубопитна голема бела ајкула.
Блиската средба со опасниот предатор сурферите ја забележале дури дома, кога ја виделе морничавата снимка направена со дрон.
Снимката е објавена од службата за спасување во Јужна Африка, со објаснување дека пристигнуваат голем број пријави за забележани големи бели ајкули во близина на брегот.
„Однесувањето на ајкулата како што се гледа на снимката покажува дека таа била свесна за сурферите и дека пливала околу нив за да ги истражи. Важно е луѓето да знаат дека големите бели ајкули се предатори и иако нивните напад се ретки, средбата со нив е голем ризик“, соопштуваат од службата за спасување.
