Преку социјалните мрежи беше најавено дека втората сезона на популарната Netflix серија ќе почне да се снима уште пролетва.
Тема на втората сезона ќе биде „потрагата по соодветна сопруга за најстариот син во семејството Бриџертон, Ентони“.
Втората сезона ќе ја следи втората книга во книжевниот серијал „Бриџертон“ на Џулија Квин, насловена „Виконтот кој ме сакаше“ (The Viscount Who Loved Me).
Во тек е кастингот за неколку нови улоги, пред сè главната женска улога, партнерката на Ентони Бриџертон, која во книгите се вика Кејт Шефилд.
Првата сезона, заснована врз првата книга на Џулија Квин, со наслов „Јас и војводата“ (The Duke and I) се фокусираше на комплицираната романса меѓу најстарата ќерка на семејството Бриџертон, Дафне и војводата од Хејстингс, Сајмон Басет.
Серијалот „Бриџертон“ се состои од осум романи, во кои секој дел е за љубовниот живот на еден од браќата и сестрите од семејството Бриџертон.
