Покрај Крис Хемсворт, во новиот филм „Thor: Love and Thunder“ во улогата на Џејн Фостер, ќе се појави Натали Портман.
Оскаровката интензивно се подготвуваше за улогата на суперхерој, па им приреди вистинско изненадување на своите фанови со објавувањето фотографии од филмскиот сет.
Фотографиите од нејзината неверојатна физичка трансформација станаа вирални на Twitter. Портман (39) во интервју за Yahoo уште лани во октомври рече дека ќе даде сѐ од себе да се набилда и очигледно успеала во намерата.
„Не можам да ви кажам колку сум возбудена. Почнувам да тренирам, билдам мускули“, рече тогаш.
Фановите се одушевени од трансформацијата на актерката.
„Натали Портман нè потсети зошто е една од најдобрите. Таа е посветена на секоја улога - емоционално, ментално и физички“, коментира еден твитерџија.
„Неверојатно! Навистина се набилдала“, додаде друг.
„Thor: Love and Thunder“ се очекува да има кинопремиера во САД на 18 февруари 2022 година.