Сме биле сведоци на многу бизарни и неверојатни начини на кои се местат спортските настани, а начинот на кој се решаваше победникот во локален куп во Нигерија по изведување пенали е дефинитивно нешто што досега не е забележано во светот на фудбалот.
Натпреварот меѓу локалните Ремо Старс и Иџебу Јунајтед на крајот беше решен со пенали, а серијата заврши 3:0 откако неколку удари од 11 метри беа изведени на, во најмала рака, комичен начин. Се работи за купот на нигериската сојузна држава Огун лоцирана во крајниот југозапад на земјата.
Така, при изведувањето на пеналот на тимот на Иџебу Јунајтед, голманот воопшто не се мрдна и само гледаше како противничкиот играч ја испраќа топката во мрежата, но она што се случи во следниот обид е буквално за „верувале или не“ рубриката.
Фудбалерот со број 12 на дресот од редовите на Ремо Старс се подготви да упати удар, а потоа ја отера топката во друри во, замислете, аут. Локален новинар се обиде да го објасни шокот од целата ситуација.
„Ако ова не е местење натпревар, тогаш не знам што е. Зошто нигерискиот фудбал е ваков? Зошто не сакаме напредок? Ова е финалето на Купот помеѓу Ремо Старс и Иџебу Јунајтед“, напиша на Twitter нигерискиот новинар Ибукун Алуко.
