Македонија пропаѓа затоа што двоецот Ковачевски-Ахмети наместо да нуди решенија неуспешно се занимава со спинови и подметнувања. Носат национални предавства, пробуваат да ги покријат со невешт ПР. Не оди тоа, а секогаш вистината е најлесна, вали потпретседателот на ВМРО-ДПМНЕ, Александар Николоски, преку статус на Facebook.
„Неколку збора за вистината - цела година ја лажат јавноста дека преговараат со пратеници од ВМРО-ДПМНЕ и коалицијата, имале па немале, ги делат луѓето на проЕУ и антиЕУ, прогресивни и регресивни, вакви и такви, а вистината е желба за ден повеќе криминална власт!
2/3 во Собранието немаат и никогаш нема да имаат! Од ВМРО ДПМНЕ поддршка за уставни измени под бугарски диктат нема и нема да има! Најдобар доказа за ова е што предлогот за уставни измени не го ставаат на гласање!
Им понудивме национално обединување на Македонците - го одбија! Станаа класични измеќари на ДУИ и Ахмети!
Прифатија договор со Бугарија катастрофален по македонските национални интереси, кој, се разбира, не можат да го испорачаат. Ги предупредивме, а СДСМ игнорираше! Една година потоа после сите лаги и подметнувања СИТЕ пратеници на ВМРО-ДПМНЕ и коалицијата се ПРОТИВ бугарскиот диктат и се столбот на одбраната на македонскиот национален идентитет.
Понудивме и решение на проблемот што тие го создадоа, а не можат да го решат. Одбија!
Кодошат и ја злоупотребуваат меѓународната заедница, одлучија наместо да прифатат решение да спинуваат. Лоши 'спин доктори'!
Прифаќање на бугарски диктат нема, но може да има заштита на националните интереси и наместо да се приклучат одлучија да прават негативна кампања со невистини демек ВМРО-ДПМНЕ прифатил нешто, а јасно е година дена дека не прифаќаме ништо од нивните лоши одлуки за Македонија!
Ние понудивме државнички пристап, а тие примитивизам и предавства. Нас Македонија, а на СДСМ Бугарија. Тоа е разликата!
Избори се решение, колку побргу заминат толку побргу ќе огрее сонцето за Македонија! Народот да каже за иднината на Македонија како врховен судија во политиката!“, се наведува во објавата.