Рачната конзола Nintendo Switch ги надмина вкупните продажни резултати на конзолата Wii и стана најпродаваната во историјата на компанијата.
Switch имаше релативно силен празничен квартал, со 10,67 милиони продадени единици помеѓу октомври и декември и покрај глобалниот недостиг на полупроводници, а благодарение на овој резултат, вкупниот број на рачни продадени единици се искачи на 103,54 милиони. Тоа значи дека за помалку од пет години Switch ја надмина конзолата Wii која се продаде во 101,63 милиони примероци.
Испораките се сепак за 8 отсто пониски од година во година, но Nintendo е очигледно помалку погоден од проблемите со синџирот на снабдување отколку некои други производители. Sony соопшти дека продал само 3,9 милиони конзоли PlayStation 5 во истиот период. Nintendo исто така лансираше нов OLED модел на конзолата Switch во текот на последниот квартал и тврди дека е забележан добар старт.
Компанијата ги ревидираше прогнозите за продажба на Switch и ги намали за еден милион единици за фискалната година. Сега очекува да продаде 23 милиони конзоли наместо 24 милиони проектирани во ноември минатата година, што е уште едно намалување во однос на претходно очекуваните 25,5 милиони конзоли. На Nintendo ќе му требаат нешто повеќе од четири милиони конзоли во тековниот квартал за да ги оствари новите прогнози.
Кога станува збор за софтверот, римејк игрите Pokemon, Brilliant Diamond и Shinin Pearl, се продаваат добро, со комбиниран број од 13,97 милиони примероци. Mario Party Superstars продаде 5,43 милиони единици, The Legend of Zelda: Skyward Sword HD 3,85 милиони и Metroid Dread 2,74 милиони единици.
Nintendo штотуку ја објави добро прифатената игра Pokemon Legends: Arceus, која треба да ја подобри продажбата на софтвер во тековниот квартал, а Kirby and the Forgotten Land ќе пристигнат во март.
