Nordwind Airlines го одложува почетокот на летовите Москва-Скопје кои беа најавени како нова рута во летниот распоред на летови на авиокомпанијата.
Како што Nordwind Airlines претходно најави, летовите требаше да почнат на 21 мај, но, поради епидемиолошката состојба, авиокомпанијата е принудена да ги одложи директните закажани летови, стои во известувањето од авиокомпанијата.
Од Nordwind најавуваат дека информации за отворањето на летовите Москва-Скопје ќе бидат дадени од страна на авиокомпанијата дополнително.
Претходно, Nordwind објави отворање на нова редовна директна авиолинија меѓу Москва и Скопје, еднаш неделно, почнувајќи од 21 мај, со што рутата беше и соодветно испланирана во летниот ред на летање на ТАВ Македонија за Меѓународниот Аеродром Скопје, со термин секој петок попладне, со време на поаѓање од Меѓународниот Аеродром Шереметјево во 14 часот и 45 минути и време на пристигнување на Меѓународниот Аеродром Скопје во 17 часот и 10 минути.
