Објавена е нова серија базирана на приказната за парот кој одигра клучна улога во помагањето на Ана Франк.
„Дневникот на Ана Франк“ им е добро позната книга на многумина бидејќи ги документира ужасите на животот на Евреите во Втората светска војна и растењето на девојката која живеела скриена на таванот. Семејството Франк, таткото Ото, мајката Едит и сестрите Ана и Марго, живееле две години скриени на таванот, заштитени од холандската двојка Мип и Јан Гис.
Минисеријата од 10 епизоди A Small Light ја раскажува приказната за Ана Франк од друг агол, преку приказната на Гис.
„Базирана на вистинска приказна, серијата A Small Light ја следи Мип Гис, млада, безгрижна секретарка која ги криеше Ото Франк и неговото семејство од нацистите во Втората светска војна“, стои во описот на Disney+.
„Иако милиони се запознаени со Дневникот на Ана Франк и животот на нејзиното семејство во тајното поткровје, A Small Light е помалку познатата приказна за тоа како една обична секретарка покажала неверојатна храброст во еден од најтемните моменти во историјата“.
Серијата веќе постигна совршен скор од 100% на Rotten Tomatoes и покрај тоа што првата епизода беше објавена на 1 мај. Исто така, доби импресивен просечен рејтинг од 89% од публиката.
Серијата е достапна за гледање на платформите Disney+, National Geographic, Hulu и ESPN+.
