Челниците на шпанската Ла Лига ѝ порачаа на Барселона дека ќе мора да го намали буџетот за плати за следната сезона за да не западне во неволја поради кршење на финансискиот фер-плеј.
Шпанските медиуми пишуваат дека ситуацијата е таква што во следната сезона Барселона ќе мора да го намали буџетот за цели 200 милиони евра, а тоа секако значи дека ќе мора да продаде неколку важни играчи и со тоа дополнително да обезбеди многу -потребен приход.
Како што беше случајот во летниот преоден рок, фокусот веројатно ќе биде ставен на играчот од средниот ред Де Јонг и напаѓачот Фати, а се надеваат дека ќе заработат приближно 150 милиони евра од првенствено англиски клубови.
Се додава и дека Барселона би можела да си го олесни буџетот со заминувањето на Бускетс, Алба, Дембеле, Роберто и Кесие, но се поставува логично прашање кои играчи би дошле да ги заменат и колку клубот би останал стабилен и силен.
Барселона моментално е лидер во шпанската Ла Лига и е на пат кон шампионската титула, но секако големо разочарување е фактот што доживеа елиминација од Лигата на шампионите и дека европското патување ќе го продолжи во Лига Европа, каде ги очекува двомеч со Манчестер Јунајтед.