Шакира предизвика нови гласини за наводна љубовна врска откако беше видена како ужива на романтична вечера со НБА ѕвездата Џими Батлер.
Папараците ги снимиле пред ресторанот „Novikov“ во Лондон. Пристигнале одвоено, а заедно излегле од локалот околу 2 часот по полноќ. Сѐ уште се немаат изјаснето за написите дека се во врска.
Пејачката минатиот месец го гледаше тимот на Батлер како игра против Денвер Нагетс во финалето на НБА.
Како што е веќе познато, Шакира и Том Круз беа фотографирани на трката во Формула 1 во мај. Тој се обидуваше да го освои нејзиното срце, но таа не беше заинтересирана.
После тоа во неколку наврати беше видена со Луис Хамилтон. Шпанскиот новинар Жорди Мартин во емисијата „Amor y Fuego“ изјави дека се во добри односи и дека планираат патување на Карибите. Сепак, нејзините фанови веруваат дека таа повеќе не е заинтересирана за Хамилтон.
Шакира неодамна го објави спотот за песната „Copa Vacia“. На Instagram објасни дека песната за неа има симболично значење. Рече дека сирената ја претставува неа бидејќи е „на пат повторно да стане едно со себе“.
