Илон Маск испрати голема провокација до Џеф Безос, велејќи дека ќе му испрати сребрен медал и џиновска статуа во форма на бројот „2“ откако го надмина на позицијата најбогат човек во светот, пишува Forbes.
Извршниот директор на Amazon и Маск со години се натпреваруваат за врвот на листата најбогати луѓе, а пред два дена основачот на Tesla и SpaceX стана третиот човек во историјата кој „тежи“ над 200 милијарди долари.
Во последните години овие двајца милијардери се соперници на два фронта – во нето вредност и во вселенски амбиции. Во август, 2020 година Безос стана првата личност која вреди 200 милијарди долари откако скокнаа акциите на Amazon. Но, извонредниот раст на акциите на Tesla му помогна на Маск да го престигне и така за кратко време во јануари годинава стана најбогатиот човек во 2021 година.
Тие двајцата годинава неколку пати се менуваа на позицијата најбогат човек во светот. Според процена на Forbes, на денешен ден Елон Маск е најбогатиот човек во светот, со богатство проценето на 200,7 милијарди долари.
Безос е на второто место, со процена од 192,5 милијарди долари. Сè уште нема негов коментар по провокацијата на Маск.