ZALA AERO GROUP - Беспилотные Системы, која е дел од компанијата „Калашников концерн“, го претстави новиот дрон-конвертоплан Zala VTOL на воената изложба IDEKS-2021 во Абу Даби.
Дронот може да се користи за следење, но и како дел од операциите за спасување.
„Новиот беспилотен комплекс има уреди од авионски тип, со крила што може да се заменат. Во еден случај, се користи обичното крило за класично лансирање на уредот од катапулт, а во друг случај, крилото на дронот е опремено со дополнителни кабли со четири хоризонтално распоредени пропели, што му овозможува на Zala VTOL да изврши вертикално полетување и слетување и го прави хибрид од авион и хеликоптер“, велат од прес-службата на компанијата.
Конверзијата на беспилотниот авион во хибрид со промена на крилата се врши во рок од неколку минути, наведува компанијата „Калашников“, додавајќи дека новиот беспилотен комплекс може да се користи за воздушно следење, на пример, за време на мониторинг на енергетски комплекс, исто така како за време на операциите за пребарување и спасување.
Уредот е опремен со компјутер со елементи на вештачка интелигенција, што му овозможува да обработува фотографии и видеа, инфрацрвени слики и други параметри пред крајот на летот.
Беспилотното летало може да има различни додатоци, вклучувајќи фотоапарати и видеокамери, монитор за температура, комбинирани системи за телетермално снимање, анализатори на гас и дозиметри, ласери и многу повеќе. Дронот има уред за автоматско следење на движењето на предметите.
Во традиционалната верзија, Zala VTOL може да лета четири часа, по што слетува со падобран. Мекото слетување на беспилотното летало го овозможува перничето што се надувува под трупот на леталото. Во верзијата со дополнителни мотори, Zala VTOL може да полета и вертикално да слета во целосно автоматски режим, што овозможува ефикасно користење на уредот во урбани средини, во планински и тешко достапни области, но во тој случај времетраењето на летот се намалува на два часа.
Должината на крилата на Zala VTOL е 2,58 метри, максималната тежина при полетување е 10,5 килограми, а брзината на летот е до 110 км/ч.
