Спелеонуркачкиот клуб Врело организираше еко акција за чистење во месноста Крапа кај Македонски Брод и успешно собра и отстрани 50 вреќи пластичен отпад оставен од несовесни граѓани.
Не е прв пат спелеонуркачите од овој клуб да организираат ваква еколошка акција, тие ова го прават години наназад.
Понорот кај месноста Крапа не е детално истражен, а токму тоа спелеонуркачите од Врело имаат на ум наскоро и да го направат. Нивните претпоставки се дека понорот завршува со водена површина.
„Со цел да може да се истражи подлабоко овој понор, за кој веруваме дека завршува со водена површина, за сите понатамошни активности, мораше прво да се овозможи влез во понорот, кој на жал од насобран отпад не дозволуваше да се влезе ни на самиот почеток на понорот. Затоа, спелеонуркачите од Врело се организираа со свои финансиски средства и извадија повеќе од 50 вреќи пластичен отпад, како и организираа транспорт до депонија на истиот во соработка со Комуналното претпријатие од Македонски Брод“, селат од Врело.
Во оваа аквија учество земаа и членови на Спелеолошката федерација на Македонија за што поефикасно чистење на насобраното ѓубре.
Фото: Спелеонуркачки клуб Врело